माओवादीया सत्ता कब्जा यायेगु सोच: देउवा
येँ (सन्ध्या टाइम्स)/ माओवादीं डर, त्रास व धम्कीया भरय् सत्ता कब्जा यायेत स्वयाच्वंगु द्वपं कांग्रेसया वरिष्ठ नेता शेरबहादुर देउवां बियादीगु दु ।
थौं सुथय् प्रेस युनियन चितवनं ग्वसाः ग्वःगु पत्रकार सम्मेलनय् न्ववायेगु झ्वलय् वय्कलं उगु द्वपं बियादीगु खः।
माओवादीं ख्यायेवं सुं नं ग्याइ मखु धासें वरिष्ठ नेता देउवां माओवादीया सत्ता कब्जा यायेगु चाहना पूमवनीगु दाबी नं यानादीगु दु ।
सहमतिया निंतिं कांग्रेस गाक्क लचिलो जुइगु खँ धयादिसें वय्कलं माओवादीया कारणं शान्ति प्रक्रिया स्यने फइगु ख्याच्वः नं बियादिल ।
