दुर्घटनाय् लानाः २० म्ह घाःपाः
येँ (सन्ध्या टाइम्स)/ थौं सुथय् थीथी थासय् जूगु सवारी दुर्घटनाय् लानाः नीम्ह घाःपाः जूगु दु ।
येँनं पोखरापाखे वनाच्वंगु ना २ ख ४५०५ नम्बरया यात्रुवाहक बस थौं चान्हय् २ बजे आँबु खैरेनीया ५ नम्बर वडाय् फातापुलाः दुर्घटना जूगु खः। उगु दुर्घटनाय् लानाः झिंखुम्ह घाःपाः जूगु खः। घाःपा जूपिनि मध्ये झिंस्वम्हेसिया भरतपुर अस्पताल चितवनय् वासः जुयाच्वंगु दुसा स्वम्हेसिया सामान्य वासः लिपा थःथःगु छेँय् वनेधुंकूगु दु ।
अथे हे मकवानपुरया लामाटारय् सवारी दुर्घटना जुयाः प्यम्ह घाःपाः जूगु दु। सिराहां येँ वयाच्वंगु ना. १ ज २५३९ नम्बरया माइक्रो बस मकवानपुरया नामाटारय् सडकया नालीइ कुतुं वनाः उकी च्वना वःपिं यात्रुत घाःपाः जूगु खः ।
उगु दुर्घटनाय् लानाः सिराहाया सन्जु साह, नितु कर्ण, रामेन्द्रप्रसाद यादव व लगायना पुनिता साह घाःपाः जूगु दु। घाःपाः जूपिंत हेटौडा अस्पतालय् वासः याकातःगु दु ।
