नेपाः व भारत दथुइ वाणिज्य सन्धिलय् हस्ताक्षर

स्वदँया गृहकार्य लिपा नेपाःया थीथी माग सम्बोधन यासें परिमार्जित नेपाः भारत वाणिज्य सन्धि व अनधिकृत व्यापार नियन्त्रण सम्झौताय् मंगलवा हस्ताक्षर जूगु दु ।

नेपाःया पाखे वाणिज्य मन्त्री राजेन्द्र महतो व वयेकया भारतीय समकक्षी आनन् शर्मां येँय् हस्ताक्षर यानादीगु सम्झौताय् डिआरपीया खारेजी, मेसिनरीया भारतय् मर्मत याकेदइगु सुविधा, त्रिभुवन विमानस्थलयात नं व्यापार नाकाया कथं छ्यदीगु खँ न्ह्यथंनातःगु दु ।

डिआरपीया खारेजी नापं आः भारतीय ध्यबाय् भारतं समान आयात यायेगु ईलय् छुं नं शुल्क लगेजुइमखु । थ्वस्वयां न्ह्यः डलरय् आयात यायेगु ईलय् जक थंज्याःगु सुविधा दुगु खः ।

सन् २००७ निसें परिमार्जित सम्झौता यायेत नेपालं मस्यौदा न्ह्यने सारे याःगु खसां स्वदँ लिपाः जक मन्त्रीसतरं थुकी हस्ताक्षर यानाः कार्यान्वयनय् वइगु जूगु खः ।