शान्ति समितिया कर्मचारीपाखें धर्ना

येँ (सन्ध्या टाइम्स)/एनेकपा (माओवादीं) गठन याःगु शान्ति समितिया पुलांपिं कर्मचारीयात बर्खास्त यानाः गठबन्धन सरकारं न्हूपिं कर्मचारी नियुक्ति यायेत्यंगु खँ धासें पुलांपिं कर्मचारीतय्सं हेटौंडाया क्षेत्रीय प्रशासकया ज्याकू घेराउ याःगु दु। पुलांपिं कर्मचारीतय्सं घेराउ यानाच्वंगुलिं मध्यमाञ्चलया न्हूपिं कर्मचारीया निंतिं थौं अन्तर्वार्ता कायेगु धकाः जुयाच्वंगु तयारी नं प्रभावित जूगु दु। अन ल्वापु जुइ फुगु आशंकाय् आपालं प्रहरी परिचालन यानातःगु दु ।