मरुहितिया जिर्णोद्वार यायेत शिलान्यास
येँ (सन्ध्या टाइम्स)/मरुहिति क्लब व मरुहिति जिर्णोद्वार समितिया ग्वसालय् मरुहिति जिर्णोद्वार यायेगु ज्याया शिलान्यास मूपाहांपिं छत्रराज राजवाहक व मय्जु गंगादेवी दली थौं सुथय् यानादिल ।
जिर्णोद्वार समितिया न्वकु पुष्पराजन शाक्यया सभापतित्वय् जूगु उगु ज्याझ्वलय् सभासद् तीर्थराम डंगोल, अष्टलक्ष्मी शाक्य, माओवादीया नेता सर्वोत्तम डंगोलपिंसं न्ववानादीगु खः। ज्याझ्वलय् समितिया सचिव प्रचण्डलाल झां लसकुस याःगु खःसा मरुहिति क्लबया अध्यक्ष शंकर महर्जनं सुभाय् देछानादीगु खः ।
