थनिंनिसें मंकाः नेवाः संघर्ष
नेवाः स्वायत्त लागाया माग यासें नेवाः खलः पुचःतय्सं थनिंनिसें मंकाः आन्दोलन न्ह्याके त्यंगु दु । थौं थनया राष्ट्रिय सभागृहय् छगू ज्याझ्वः यासें थ्व मंकाः आन्दोलनया घोषणा यायेत्यंगु दु । ज्याझ्वलय् मंकाः आन्दोलनय् संलग्न थीथी खलः पुचःया प्रतिनिधितय्सं नं संवोधन यानादी । सभागृहया ज्याझ्वलय् ब्वति कायेत थीथी थासय् मुनाः जुलुस सहित सभागृह थ्यंक वनीगु ग्वसाः दु ।
थ्व मंकाः संघर्ष यायेगु लागिं नेवाः देय् दबूया पहलय् नेवाः राष्ट्रिय मुक्ति मोर्चा, नेवाः मुक्ति मंकाः दबू, नेवाः देय्गुथि नेपालमण्डल, नेपाः लोकतान्त्रिक नेवाः संघ, नेपाः राष्ट्रिय पार्टी व नेवाः जागरण माच जानाः 'नेवाः स्वायत्त राज्य मंकाः संघर्ष समिति' नीस्वंगु खः ।
