लेनग्रीन अमेरिका वनीगु
येँ (सन्ध्या टाइम्स)/ संयुक्त राष्ट्रसंघ अनमिन प्रमुख करिन लेनग्रीन अमेरिकाया न्युयोर्कय् जुइगु सुरक्षा परिषदया बैठकय् ब्वति कायेत थौं अमेरिका वनेत्यंगु दु। थ्वहे वइगु कार्तिक २० गते जुइगु सुरक्षा परिषदया बैठकय् अनमिन प्रमुख लेनग्रीनं नेपालय् न्ह्यानाच्वंगु शान्ति प्रक्रिया, माओवादी लडाकु व नेपाली सेनाया अवस्था बारे जानकारी याकादीगु ज्याझ्वः दु ।
अथे हे सुरक्षा परिषदया बैठकय् वय्कलं नेपाःया प्रमुख राजनीतिक नेतातय् धापू नं न्ह्यब्वयादी। अनमिन प्रमुख लेनग्रीनं अमेरिका वने न्ह्यः नेपाःया प्रमुख राजनीतिक पार्टीया नेतात नापलानाः सहलह ब्याकादीगु खः ।
