पोखराय् पद्मरत्नया नेतृत्वय् हस्ताक्षर मुनेज्या

येँ (सन्ध्या टाइम्स)/मानव अधिकार संरक्षण मञ्च कास्की जिल्ला कमिटीया ग्वसालय् थौं पोखराया चिप्लेढुंगाय् जूगु मानव अधिकारकर्मी व नागरिक समाजया न्ह्यलुवातय्गु छगू वृहत मुँज्यां 'शान्ति प्रक्रिया पूवंकि, संविधान याकनं दयेकि' धइगु माग तयाः हस्ताक्षर संकलन ज्याझ्वः न्ह्याकूगु दु। मासमया केन्द्रीय नायः पद्मरत्न तुलधार व वय्कःया जहान मय्जु नीलशोभा तुलाधरं दकलय् न्हापां हस्ताक्षर यानाः न्ह्याकूगु उगु अभियानय् १ लाख हस्ताक्षर मुंकेगु ताः तयातःगु दु ।