समाधानया निंतिं प्रधानमन्त्री नं राजीनामा बीमाः : वैद्य
एकीकृत नेकपा (माओवादी)या वरिष्ठ उपाध्यक्ष मोहन वैद्य 'किरणं' वर्तमान राजनीतिक गतिरोध ज्यंकेत राष्ट्रपतिया पलाः भिकां जक मगाःगु खँ धयादिसें प्रधानमन्त्री माधवकुमार नेपालं नं राजीनामा बीमाःगु खँ धयादीगु दु ।
आइतवाः येँ रिपोटर्स क्लबय् जूगु साक्षातकार ज्याझ्वलय् नेता वैद्यं प्रधानमन्त्री नेपालं राजीनामा बीधुंकाः जक सहमतिया प्रकृया न्ह्याइगु धयादिल । वयेकलं माओवादीं राष्ट्रपतिया पलाः भिंकाः जक मानेमजुइगु धयादिसें वयेकलं प्रधानमन्त्रीं राजीनामा बीधुंकाः जक न्हूगु ढंगं सहमति जुइगु धयादिल ।
वयेकलं माओवादी नेतृत्वय् मंकाः राष्ट्रिय सरकार गठन जुसाः जक शान्ति प्रकृया, सेना समायोजन व न्हूगु संविधान ईलय् हे निर्माण जुइगु दाबी यानादिल । थुपिं दक्वं एजेण्डा माओवादी ल्ह्वंगु धयादिसें वयेकलं थुकीयात पूवंकेगु ज्या नं माओवादी नेतृत्वया सरकारं जक यायेफइगु ठोकुवा यानादिल ।
