शान्ति सम्झौता संशोधन याये मजिउ: झलनाथ खनाल
येँ (सन्ध्या टाइम्स)/बृहत शान्ति सम्झौतायात संशोधन यायेगु स्वयां नं उकियात कार्यान्वयन यायेमाःगु खँ एमालेया अध्यक्ष झलनाथ खनालं धयादीगु दु ।
वय्कलं शान्ति सम्झौता संशोधन यायेगु धइगु थःगु प्रक्रियां न्ह्यानाच्वंगु शान्ति प्रक्रियायात हे लिच्वः लाकेगु खः धासें उकियात संशोधन यायेगु स्वयां नं पालना यानाः याकनं समस्या ज्यंकेमाःगु खँय् बः बियादीगु दु ।
एमालेया उपाध्यक्ष व रक्षामन्त्री विद्या भण्डारीं नेपाली सेनाय् ज्या यायेत थाकुयाच्वन धासें शान्ति सम्झौता संशोधन यायेमाः धकाः अभिव्यक्ति बियाच्वंगु इलय् अध्यक्ष खनालया थ्व धापू पिहां वःगु दु ।
