येँ-त्रिशुली मोटरसाइकल र्याली न्ह्यात
येँ (सन्ध्या टाइम्स)/चःमति नेवाः खलःया ग्वसालय् थौं न्हूदँ हनेत त्रिशुलीपाखे मोटरसाइकल र्याली न्ह्यात। चःमतिइ न्हूदँ समारोह समितिया नायः व सभासद् तीर्थराम डंगोल, ज्यापु महागुथि येँ महानगर समितिया नायः मोहनकृष्ण डंगोल, राखेपया पुलांम्ह सदस्य सचिव जीवनराम श्रेष्ठ, इमेज च्यानलया अध्यक्ष आरके मानन्धर व मंकाः खलःया छ्यांज्ये नरेशवीर शाक्यं मंकाः रुपं उगु र्यालीया उलेज्या यानादीगु खः। र्याली चःमति लागा चाःहिलाः मनमय्जुं त्रिशुलीपाखे वंगु खः। त्रिशुलीइ छगू ज्याझ्वः व नेवाः भ्वय् यासें र्याली कन्हय् येँय् लिथ्यनी। उखे न्हूदँया लसताय् थौं नेवाः राष्ट्रिय मुक्ति मोर्चापाखें कोपुण्डोलय् व एमाले येँ कमिटीपाखें लगमय् तुच्चा ज्याझ्वः यानाच्वंगु दु ।
