'जिपिं बदमास मखु'या च्यारिटीशो
येँ (सन्ध्या टाइम्स)/ चि-राग फिल्म प्रोडक्सनया व्यानरय् न्ह्यब्वया नेपालभाषाया संकिपा जिपिं बदमास मखु कन्हय् छगू ज्याझ्वःया दथुइ नाचघरय् च्यारिटीशो क्यनेज्या जुइत्यंगु। हास्य, द्वन्द, समाजिक व सन्देशमूलकं जाःगु थुगु संकिपाया निर्देशक सुरेन्द्र तुलाधर खःसा शुभ तण्डुकार व पुजा श्रेष्ठपिंसं दयेकूगु खः ।
उगु संकिपाय् हरिकृष्ण तण्डुकार, राजु महर्जन, भोगेन्द्र मानन्धर, स्वतन्त्र महर्जन, भिंतुना जोशी, दीपा शाक्य, अर्णेश्वरी शिल्पकार, श्यामसुन्दर शिल्पकार, महन्तलाल मल्ल, राजु महर्जन 'जुजु' ज्ञानेन्द्र 'इशारा', सुरेन्द्र तुलाधर व अमृतमान महर्जनपिंसं अभिनय् यानादीगु खः ।
