''बाखं दबू'' निगूगु ल्याः पिदन
येँ (सन्ध्या टाइम्स)/ नेपालभाषा साहित्यय् बाखंया धाः च्वन्ह्याकेगु ताः तयाः नीस्वंगु बाखं दबूया बाखंमुना पौ 'बाखं दबू'या निगूगु ल्याः पिदंगु दु। बाखंया ख्यःयात चकंका यंकेगु निंतिं सक्रिय जुयाः थीथी थासय् बाखंया गोष्ठी यानाः वंगु स्वांयाःपुन्हिया लसताय् थुकिया न्हापांगु ल्याः पिथने धुंकूगु दु ।
थ्व हे वंगु न्हूदँ नेपाल संवत् ११३०या लसताय् बसन्तपुली जूगु तःजिगु सार्वजनिक समारोहय् मूपहां कथं झायादीम्ह प्रधानमन्त्री माधकुमार नेपालं ज्याझ्वःया न्हापां उगु सफू पितब्वज्या यानादीगु खः ।
नेपालभाषाया बाखंया इथिहासय् छक्वलं स्वीच्याम्ह च्वमिपिनि थीथी बाखं मुनाः पिदंगु पौ थुकथंया सायद थ्व हे न्हापांगु जुइमाः धइगु दबूया विश्वास दु ।
