सुजातायात उपप्रधानमन्त्री दयेका कोइरालां द्वंकल : देउवा

नेपाली कांग्रेसया वरिष्ठ नेता शेरबहादुर देउवां सुजाता कोइरालायात उपप्रधानमन्त्री दयेका सभापति गिरिजाप्रसाद कोइरालां द्वंकूगु खँ धयादीगु दु ।

शुक्रवाः मोहनि, स्वन्ति व इदया लसताय् मुश्लिम संघं याःगु तुच्चाय् नेता देउवां हथाय् हथाय् थ: म्हाय् यात उपप्रधानमन्त्री दयेकूगुलिं सभापति कोइरालाया व्यक्तित्वय् तकं लिच्वः लाःगु व सुजाताया राजनीतिक भविष्यय् नं असर लागू धयादिल । वयेकलं सभापति कोइराला बिरामी जुयादीगुलिं थुकीया बारे वयेक नाप खँल्हाबंला यायेमखंगु धयादिल ।

नेता देउवां माओवादी, एमाले व कांग्रेसया मंकाः प्रस्तावय् राष्ट्रपतिया पलाः असंवैधानिक धकाः न्ह्यथनेमफइगु धयादिल । वयेकलं झिंच्याःगु दलया सिफरिसय् राष्ट्रपतिं ल्ह्वंगु पलाःयात छाय् असंवैधानि धायेगु धकाः न्ह्यसः न्यनादिल ।