दलत दथुइया संवाद उत्साहहीन : ल्यानग्रेन
राष्ट्रसंघिय मिसन अनमिनया प्रमुख करिन ल्यानग्रेनं दलत दथुइ लिप्पांगु ईलय् जुयाच्वंगु संवाद उत्साहजनक जुइमफुगु धयादिसें सहमतिया निंतिं कुतः यायेत दलतय्त इनाप यानादिल ।
राष्ट्रसंघ दिवसया लसताय् यलय् शुक्रवाः याःगु ज्याझ्वलय् अनमिन प्रमुख ल्यानग्रेनं शान्ति प्रकृयाया निंतिं दलतय्सं तत्काल सम्झदारी यायेमा धयादिल । वयेकलं मोहनि व स्वन्ति नखःया दथुइ दलतय्सं याःगु वार्ता गुलि सकारात्मक खनेदुगु खः वहे कथं न्ह्याः वनेमफुगु धयादिल ।
वयेकलं दण्डहीनता अन्त्य यायेत व बेपत्ता नागरिकया अवस्था बारे ठोस पहल जुइमफुगु प्रति दुखः प्वंकादिल ।
ज्याझ्वलय् उपप्रधानमन्त्री नापं परराष्ट्रमन्त्री सुजाता कोइरालां नेपालय् राष्ट्रसंघं याना वयाच्वंगु ग्वाहालिया प्रशंसा यानादिसें शान्ति प्रकृयाय् अनमिनं थप ग्वाहालि यानाच्वनीगु विश्वास प्वंकादिल ।
