हेटौंडाय् न्हूदँ ज्याझ्वः नापं सिरपाः
हेटौंडा (सन्ध्या टाइम्स)/न्हूदँ नेपाल संवत् थन नं थीथी ज्याझ्वः यासें न्यायेकल। न्हूदँ कुन्हु सुथय् थनया भिंतुना रोडं छगू र्याली पिकयाः थीथी लागा चाःहिल ।
र्याली लिपा नेपालभाषा खलःपाखें दँय्दसं बीगु याना वयाच्वंगु सूर्यलक्ष्मी नेवाः सिरपाः हेटौंडाया न्हूम्ह नायः गायक पद्म श्रेष्ठयात लःल्हात। थुगुसी तिनि वय्कःया नेपालभाषाया न्हूगु एल्बम पिहां वःगु खः। हेटौंडां भिमफेदी तक छगू मोटरसाइकल र्याली नं पिहां वःगु खः ।
