ल्हुतिइ नं न्हूदँया र्याली
येँ (सन्ध्या टाइम्स)/ दँय्दसं थें थुगुसी नं नेपाल संवत् ११३० न्हूदँया लसताय् बाईसधारा यूवा क्लब ल्हुति, बाईपासया ग्वसालय् भिंतुना सांस्कृतिक र्याली पिदन। उगु र्यालीया उलेज्या मूपाहां कथं झाःम्ह ईमेज च्यानलया अध्यक्ष आर.के. मानन्धरं यानादीगु खः। ल्हुति बाइपासं न्ह्याःगु उगु र्याली ल्हुतिया गणेश मन्दिर, बिनायक बस्ती, बाईपास, दगुर्नेपानी जुयाः मनमय्जुइ थ्यंकाः क्वचाःगु खः।
अथे हे न्हूदँया हे लसताय् उगु क्लबपाखें सनिलय् ल्हुति बाईपासय् न्हूदँ नेपाल सम्वत् ११३० या भिंतुनाया मन्दः च्वयाः पाल्चा नं च्याकूगु खः ।
