सूचना सम्बन्धी प्रतिवेदन प्रमयात लःल्हाइगु

येँ (सन्ध्या टाइम्स)/ राष्ट्रिय सूचना आयोगं थौं थःपिनि प्रतिवेदन प्रधानमन्त्री माधव नेपालयात लःल्हायेत्यंगु दु। नेपाःया सूचना सम्प्रेषण सम्बन्धी अध्ययन यायेत स्वंगु उगु समितिया प्रतिवेदनय् सूचना सम्बन्धी ऐन कार्यान्वयन मजूगु खँ धयातःगु दु ।

नेपालय् सूचना सम्बन्धी ऐन कार्यान्वयनय् वयेधुंकाः सरकारी व गैर सरकारी संस्थां थःपिनि संस्थाया गतिविधि सम्बन्धी सूचना सार्वजनिक यायेमाःगु बाध्यात्मक व्यवस्था यानातःगु दु ।