नागरिक सर्वोच्चता मदुसाः न्हूगु संविधान औचित्यहीन : प्रकाश
एकीकृत नेकपा (माओवादी)या उपाध्यक्ष नारायणकाजी श्रेष्ठ 'प्रकाशं' नागरिक सर्वोच्चता स्थापित मजुतले न्हूगु संविधानया औचित्य मदुइगु खँ धयादीगु दु ।
बिहीवाः जनकपुरय् संचारकर्मीत नाप खँल्हाबंला यानादिसें वयेकलं देशय् अन्तरिम संविधनया तकं पालना मजूगु धयादिसें थज्याःगु अवस्थाय् न्हूगु संविधानया पालना जुइगु ग्यारेन्टी मदुगु धयादिल । वयेकलं अन्तरिम संविधानय् नागरिक सर्वोच्चता स्वीकार यासां नं थुकीया कार्यान्वयन मजूगु तर्क तयादिल ।
वयेकलं २०४७ सालया संविधानय् जनतायात सार्वभौमसत्ता सम्पन्न धकाः न्ह्यथंनातःगु जुसां वहे संविधानयात न्हुयाः जुजुं शासन थःगु ल्हातये काःगु दसु बियादिसें थंज्याःगु हे परिस्थिति मवयेमाः धकाः माओवादीं नागरिक सर्वोच्चता चाहेजूगु धयादिल ।
संविधानसभा माओवादीया जक एजेण्डा जूगुलिं आः नं मेमेगू दल स्वयां संविधान च्वयेगु ज्याय् माओवादी अप्व सचेत व जिम्मेवार जूगु दाबी नेता प्रकाशं यानादिल ।
