'सहमतिया निंतिं निन्हू जक ल्यं दनी'
एकीकृत नेकपा (माओवादी)या उपध्यक्ष डा. बाबुराम भट्टराईं निन्हूया दुने राजनीतिक गतिरोध मज्यंसाः निर्णायक आन्दोलन यायेगु ख्याच्वः बियादीगु दु ।
बिहीवाः माओवादीया येँ क्षेत्र नं २नं याःगु तुच्चाः ज्याझ्वलय् न्ववानादिसें नेता भट्टराईं थःपिंनि लचकतायात सरकारं कमजोरीया कथं काःगुलिं निर्णायक आन्दोलनया विकल्प मदुगु धयादिल । वयेकलं धयादिल, - 'कन्हय् व कंसःया दुने राजनीतिक निकास पिहांमवसाः छठ पर्वया कन्हय् कुन्हु निसें निर्णायक आन्दोलन शुरु जुइ ।'
वयेकलं देशीविदेशी शक्ति केन्द्रतय्सं सरकार संचालन जुयाच्वंगुलिं नं बाध्यताबस आन्दोलनय् कुहावयेमाःगु धयादिल ।
अथेहे ज्याझ्वलय् माओवादीया मेम्ह नेता लिलामणी पोखरेलं भारतीय दूतावासं उत्तरी सीमा व देय्या मेमेगू थासय् थःखुशी बजेट खर्च यानाच्वंगुलिं देय्या सार्वभौमसत्ता व राष्ट्रिय अखण्डता खतारय् लाःगु धयादिल ।
