शीर्ष एमाले नेतात दथुइ एकताबद्ध जुयाः न्ह्या: वनेगु सहमित
पार्टी दुने आन्तरिक संघर्ष अप्वयाच्वंगु ईलय् सत्ता नेतृत्व यानाच्वंगु नेकपा (एमाले)या स्वम्ह शीर्ष नेतात दथुइ एकताबद्ध जुयाः पार्टीयात सुदृढ यानायंकेगु सहमति जूगु दु ।
एमालेया युवा नेतातय् पहलय् प्रधानमन्त्री माधवकुमार नेपाल, एमाले अध्यक्ष झलनाथ खनाल व एमाले वरिष्ठ नेता केपी शर्मा ओली दथुइ बुधवाः जूगु खँल्हाबंलाय् अन्तरिक विषयया बारे सहलह जूगु व पार्टी दुनेया विवाद सहमतिया माध्यमं समाधान यायेगु समझदारी जूगु खः ।
होटल सोल्टीइ जूगु वार्ता लिपा प्रधानमन्त्री नेपालं पार्टीयात थप सुदृढ यानाः एकताबद्ध जुयाः न्ह्याः वनेगु सहमति जूगु कनादिल । अथेहे एमाले अध्यक्ष खनालं गाडी स्टार्ट जूगु धयादिसें एमालेयात थप शक्तिशाली, सुदृढ व जनचाहना कथं न्ह्याका यंकेगु सहमति जूगु धयादिल ।
एमाले अध्यक्ष खनाल व नेता ओली दथुइ अप्वयावंगु विवादया कारणं छुं जिल्लाय् एमालेया समानान्तर जिल्ला कमिटीत नं गठन जुइधुंकूगु दु ।
