प्रधानमन्त्री व चिनियाँ राजदूत दथुइ खँल्हाबंला

प्रधानमन्त्री माधवकुमार नेपाल व चिनियाँ राजदूत क्यु गो हाङ दथुइ बुधवाः खँल्हाबंला जूगु दु ।

प्रधानमन्त्री निवास बालुवाटारय् जूगु खँल्हाबंलाय् राजनीतिक गतिरोध व सुरक्षा लगायत विषलय् सहलह जूगु जानकारी प्रधानन्त्रीया विदेश मामिला सल्लाहकार राजन भट्टराईं कनादिल ।

अथेहे राजदूत हाङं प्रधानमन्त्री नेपालात उपयुक्त ई लाका चीन भ्रमणया प्रस्ताव यानादिल । थ्वस्वयां न्ह्यः प्रधानमन्त्री नेपालया चीन भ्रमण कात्तिकया निगूगु वाःलय् जुइगु धासां चिनियाँ प्रधानमन्त्रीया व्यस्तताया कारणं भ्रमण लिछ्यायेमाःगु खः ।