तनहुँ जिल्लाय् जीप दुर्घटना जुयाः न्याम्ह सित

तनहुँया फिरफिरेय् जीप दुर्घटना जुयाः न्याम्ह सीगु दुसा: नीन्याम्ह घाःपाः जूगु दु ।

जसपुरं दुलेगौंडा वयाच्वंगु ग. १. च. २५५८ नम्बरया जीप सतकं स्वसः मिटर क्वय् कुतुंवंगु खः । दुर्घटनाय् लाना: फिरफिरे वडा नम्बर-१ या न्यय्न्यादँ दुम्ह लोकबहादुर गुरुङ, झिंन्हय्दँ दूम्ह राधा गुरुङ, झिंनिदँ दुम्ह रवीन गुरुङ, झिंस्वदँ दुम्ह पूर्णिमा गुरुङ व स्वीदँ दुम्ह शान्ता गुरुङ सीगु खः ।

घा:पा: जुपिंत पश्चिमञ्चल क्षेत्रीय अस्पताल पोखराय् यंकूगु खँ प्रहरीं धा:गु दु ।