नेपाली तफ्वःस्वां न्हनीगु खतरा
येँ (सन्ध्या टाइम्स)/थुगुसी स्वन्तिया इलय् नेपालय् माक्व स्वां मदुगुलिं भारतया थीथी थासं समेत स्वां हयेमाःगु अवस्था वल। थुकिं यानाः नेपाःया बजारय् भारतीय स्वानं थाय् काःगु जक मखु नेपाःया स्थानीय जातिया स्वांयात विस्थापित यानाः मेगु हे जातिं अतिक्रमण याइगु समेत खतरा पिहां वःगु खँ थ्व सम्बन्धी विज्ञतय्सं धाःगु दु ।
थुगुसी नेपालय् तःफ्वःस्वां व ग्वय्स्वां प्रशस्त मात्राय् मह्वःगुलिं भारतया कोलकातां समेत स्वां हयेमाःगु खः। कोलकाताया स्वां तफ्वःस्वां हे खःसां व मेगु हे प्रजातिया स्वां खः। नेपालय् भारतीय मूलया प्रजातिया स्वानं बजाः काल धाःसा थुकिं नेपाःया स्थानीय जातिया स्वां न्हना वने फुगु खँ धाःगु दु। नेपाःया मौलिक प्रजातिया तफ्वःस्वां व ग्वय्स्वां न्हना वन धाःसा जैविक विविधताया लागिं थ्व नं छगू तःधंगु नोक्सानी जुइगु खँ नं विज्ञतय्सं धाःगु दु ।
थुगुसी बजारय् माक्व स्वां मवयाः छमा स्वांमाःया ८० तका तक थ्यंगु खः।
