नेवाः सभासद्तय् घोषणासभा
येँ (सन्ध्या टाइम्स)/संघीय गणतन्त्र नेपाः व नेवाः स्वायत्त राज्य स्थापनाया पक्षय् संविधानसभाय् प्रतिनिधित्व याना च्वनादीपिं नेवाः सभासद्तय्सं छगू सार्वजनिक ज्याझ्वः हे यासें थःपिनि प्रतिवद्धता घोषणा याइगु जूगु दु ।
थ्वहे वइगु विहीवाः न्हिनसिया २.३० बजे राष्ट्रिय सभागृहय् छगू घोषणासभा यासें थ्व प्रतिवद्धता प्वंकेत्यंगु खः।
नेवाः स्वायत्त राज्य मंकाः संघर्ष समितिया ग्वसालय् उगु ज्याझ्वः यायेत्यंगु खः ।
संविधानसभाय् दुथ्याःपिं नेवाः सभासद्तय्सं छुं ई न्ह्यः तिनि नेवाः स्वायत्त राज्य सम्बन्धी थःपिनि मंकाः प्रतिवद्धता जाहेर याःगु खः। लिसें नेवाः सभासद्तय्सं थःपिनि दथुइ समन्वय यायेत ककस नं नीस्वंगु खः ।
