माओवादीं सहमतिया निंतिं लचकता क्यनीगु

एकीकृत नेकपा (माओवादीं) राष्ट्रपतिया पलाःया सम्बन्धय् तसकं लचकता क्यना: राजनीतिक गतिरोध अन्त्यया निंतिं पहल याइगु जूगु दु ।

मंगलवाः सुथय् पार्टी मू ज्याकूथी च्वंगु केन्द्रीय समिति दुजःतय् बैठकं राजनीतिक गतिरोधया निंतिं अन्तिम ई तक पहल यायेगु निर्णय याःगु दु । 'निकासया निंतिं सहमति कायम यायेत झीगू पाखें लचकता क्यानीगु जुइ' बैठक लिपा माओवादी प्रवक्ता दिनानाथ शर्मां कनादिल ।

वयेकलं राजनीतिक गतिरोध अन्त्यया निंतिं गठन याःगु स्वम्ह दुजः दुगु समितिया प्रस्तवाया विषयलय् नं बैठकय् सहलह जूगु धयादिल । उगु बैठकय् अध्यक्ष प्रचण्डं थःगु चीन भ्रमणया बारे जानकारी बियादीगु खःसा उगु भ्रमण सफल जूगु निष्कर्ष बैठकं पिकाःगु दु ।