राष्ट्रपति यादवं केपी भट्टराई नापलात

येँ (सन्ध्या टाइम्स)/नेपाःमि जनताया भावना कथं देय्यात संस्थागत यायेमाःगु खँ राष्ट्रपति डा. रामवरण यादवं धयादीगु दु। थौं सुथय् पुलांम्ह प्रधानमन्त्री व नेकांया पुलांम्ह सभापति कृष्णप्रसाद भट्टराईयात नापलानाः लिहां वयेगु झ्वलय् पत्रकारत लिसे संक्षिप्त खँ ल्हासें वय्कलं उगु खँ धयादीगु दु। भट्टराईलिसे वय्कलं देशय् न्ह्यानाच्वंगु राजनीतिक गतिरोधयात कयाः खँल्हाबल्हा यानादीगु खः ।