पेट्रोलियम पदार्थय् कमिशनया विवाद
सरकार व पेट्रोलियम डिलस्र एशोसियन दथुइ विवाद ब्वलनाः देय्न्यंकं हाकनं छकः पेट्रोलियम पदार्थया अभाव शुरु जूगु दु । सरकारं अन्तर्राष्ट्रिय भाः कथं बजाः भाः समायोजन यायेवं पेट्रोलियम डिलस्र एशोसियसनं थःिपंत कमिशन मगाः धासें पेट्रोलियम पदार्थया भाः क्वःछिउगु खःसा आयल निगमं धाःसा सरकारं निर्धारण याःगु भावय् पेट्रोलियम पदार्थ मीमाःगु खँ धाःगु दु ।
निश्चित रुपं गुगुं नं देशय् बजाः भाः क्वःछीगु अधिकार सरकारया खः । अझ अत्यावश्यक वस्तुया भाः निर्धारण यायेगु दायित्व हे सरकारया जुइ । अले सरकारं क्वःछिउगु भावं व्यापार व्यवसाय यायेमाःगु नं व्यापारीया दायित्व खः । तर सरकारं प्रभावकारी अनुगमन मयाःगलिं नेपालय् व्यापारीतय्सं लाथेपाथे भाः कयाः आम जनताया शोषण याना वयाच्वंगु दु । थ्वहे झ्वलय् आयल निगमं गुगु अडान काल थ्व च्वछायेबहगु ज्या जूगु दु ।
खय्त ला पेट्रोल मीिपंत न्हापा हे अप्वः कमिशन बिया वयाच्वंगु दुसा थुकियात कयाः उपभोक्ता हित संरक्षणया निंतिं सः थ्वयेका वयाच्वंपिंसं निगम व सरकारया आलोचना नं याना वयाच्वंगु दु ।
तर आः वयाः निगमं गुगु निर्णय याःगु दु थ्व पाय्छि जक मखु जनताया पक्षय् नं जूगु दु । अले सरकारया निर्णय माने मयाईपं थज्याःिपं व्यापारीयात कारवाही यायेगु ज्याय् सरकार लिचिले मजिउ । यदि थ्व इलय् नं सरकार लिचिलेत स्वत धाःसा थुिकं लिपा वनाः थज्याःपिं व्यापरीतय् मनोबल थहां वनाः बजाःयात हे प्रभावित यायेफु ।
More Stories Like this
छाय् जुइ थपाय्जिगु अपराध? जनतायात सास्ती जुइगु विरोध मजिल उपप्रमपाखें भारतय् याःवंगु ब्रिफिंग अपराध व राजनीति आः नापनापं हे माओवादी सहमतिया थीथी पक्ष
