जगत सुन्दरया १२७ दँ बुन्हि

येँ (सन्ध्या टाइम्स)/ मास्टर जगत सुन्दर मल्लया १२७ दँ बुन्हि थनया जगत सुन्दर ब्वनेकुथी शुक्रवाः न्यायेकल। ब्वनेकुथी च्वंगु मास्टर मल्लया झ्वाताय् स्वां देछासें उगु बुन्हि हंगु खः। ब्वनेकुथी थनिं पाय्छि गुदँ न्ह्यः मास्टर मल्लया झ्वाता तःगु खः। ज्याझ्वलय् ब्वनेकुथिया प्रिन्सिपल माया मानन्धरं सकसितं लसकुस यासें मास्टर मल्लया बारे कनादीगु खः ।

ज्याझ्वलय् ब्वनेकुथिया विद्यार्थीपिंसं कविता पाठ याःगु खःसा कवि राजभाई जकःमिं चिनाखँया समीक्षा यानादीगु खः ।