माओवादीया कारणं सहमति मजूगु : ओली

नेकपा (एमाले)या प्रभावशाली नेता केपी शर्मा ओलीं एकीकृत नेकपा (माओवादी)या कारणं राजनीतिक दल दथुइ सहमति जुइ मफयाच्वंगु खँ धयादीगु दु ।

आइतवाः एमाले गां कमिटी बालकोटं ख्वपःय् याःगु छगू ज्याझ्वलय् न्ववनादिसें वयेकलं माओवादी नेतातय्सं छताः खँल्हाइगु व ज्या याइगु ईलय् मेगू हे कथं यानाच्वंगुलिं दलत दथुइ सहमति जुइमफुगु धयादिल । वयेकलं मंकाः सहमति व आन्दोलन यायेगु थंज्याःगु प्रवृतिया कारणं माओवादीयात विश्वास यायेमफइगु धयादिल ।

वयेकलं शन्ति प्रकृया व संविधान निर्माण आःया मुख्य एजेण्डा जूगुलिं उकीया निंतिं तत्काल संसद सुचारु यायेमाःगु बिचाः प्वंकादिल ।