३ गते विदाया सम्भावना

येँ (सन्ध्या टाइम्स)/थौं सनिलय् च्वनीगु मन्त्रिपरिषद् बैठकं थ्वहे वइगु कछलाथ्व दुतिया (कार्तिक ३ गते) किजापुजा कुन्हु बिदा बीगु घोषणा यायेफुगु खँ धाःगु दु।
म्हिगः नेवाः जागरण मञ्च व नेवाः राष्ट्रिय मुक्ति मोर्चां ज्ञापनपत्र बीत बिस्कं बिस्कं वंगु पुचःयात नाप लासें प्रधानमन्त्री माधव नेपालं राजनीतिक निर्णय यानाः बिदा घोषणा यायेगु आश्वासन बियादीगु खः। लिसें वय्कलं पञ्चाङ्ग निर्णायक समिति सरकारया आधिकारिक संस्था मखु तर थ्व संस्थां सरकारया स्वीकृत धाःसा कयातःगु दु धयादिल ।