गबलय्, गन, छु ज्याझ्वः ?
थौं शुक्रवाः जुइगु ज्याझ्वः
- सुथय् ९ बजे काशिराजया च्वसां पिज्वःगु नेपालभाषाया म्युजिक भिडियो 'मतिनाया लँय्' व सीडी 'न्हूम्ह पासा' विमोचन। ज्याझ्वः यलया अशोक पार्टी प्यालेसय् जुइ।
- नेपाल लिपि गुथिं पिथना वयाच्वंगु तिथि म्हिचापौयात शंखधर सिरपाः लः ल्हायेगु ज्याझ्वः। थौं न्हिनसिया १.३० बजे नगदेशया श्री गणेश माविइ ज्याझ्वः जुइ।
- 'संघीय स्वायत्त नेवाः राज्यया संरचना' विषयय् प्रवचन ज्याझ्वः। राष्ट्रिय मानव अधिकार सरोकार केन्द्रया ग्वसालय् थौं न्हिनसिया २.३० बजे इतुम्बाहालय् उगु ज्याझ्वः जुइ।
- न्हूदँया भिंतुना र्यालीयात अझ झःझः धायेकेगु बारे ज्यापु महागुथि येँ महानगर समितिपाखें थौं सुथय् सहलह।
कन्हय् शनिवाः जुइगु ज्याझ्वः
- 'नेपालमण्डल नेवाः राज्य' संस्थागत याकेत धइगु ताः तयाः कन्हय् सुथय् ७ बजे येँया बसन्तपुलिं वाकाथोन ज्याझ्वः न्ह्याइगु ग्वसाः दु। नेवाः देय्गुथि नेपालमण्डलपाखें याइगु उगु ज्याझ्वः यलया मंगलबजाः थ्यंकाः क्वचाइ।
- दँय्दसं थें नःघल यूवा समूह २८ वडाया ग्वसालय् तुच्चा व सांगीतिक ज्याझ्वः याइगु ग्वसाः दु। न्हिनय् २ निसें ५ बजे तक नःघः ग्वाःननिइ उगु ज्याझ्वः जुइ।
- ओलम्पस क्लबया ग्वसालय् ओमबाहाः नःबहिली तुच्चा ज्याझ्वः व सुवर्ण शाक्यया सफू 'माःचाः' विमोचन जुइ। न्हिनय् ३ बजे उगु ज्याझ्वः न्ह्याइ।
- युवक बौद्ध मण्डलया ग्वसालय् यलया इतित्वालय् मन्दः च्वज्या धेंधेंबल्लाः जुइगु दु। न्हिनसिया १२ बजे कासा न्ह्याइ।
