हेटौंडाय् समावेशी न्हूदँ समारोह समिति
हेटौंडा (सन्ध्या टाइम्स)/नेपाल संवत् ११३० न्हूदँ तःजिक हनेगु निंतिं नेपालभाषा खलःया नायः महारत्न बज्राचार्यया संयोजकत्वय् नीछम्ह दुजः दुगु न्हूदँ मूल समारोह समिति स्वंगु दु। समितिइ नेपालभाषा खलःया छ्याञ्जे मुकुन्दकृष्ण नेवाः, दांभरी नन्दरत्न स्थापित च्वनादीगु दु ।
अथे हे नेवाः देय् दबूया जिल्ला समन्वय समिति मकवानपुरया देवप्रसाद श्रेष्ठ, जनकल्याण समाजया सूर्यमान रञ्जित, नेवाः पुचः चौकी त्वाःया नायः सिद्धिलाल श्रेष्ठ, न्हू नेवाः खलः सानो पोखराया नायः प्रकाशबाबु मल्ल, प्रज्ञा महाविहार चौकी त्वाःया नियमराज शाक्य, नेवाः ग्वाहालि पुचःया नायः अनिल खड्गे च्वनादीगु दु ।
थुकथं हे समितिइ नेवाः राष्ट्रिय मुक्ति मोर्चाया नायः कृष्णशरण जोशी, नेपाल लोकतान्त्रिक नेवाः संघया एकालाल श्रेष्ठ, नेपाल आदिवासी जनजाति महासंघ जिल्ला समन्वय परिषद्या नायः बुद्ध लामा, भुजेल समाज सेवाया नायः ध्रुवबहादुर भुजेल, नेपाल कुमाल समाजया भैरबबहादुर कुमाल, याक्थुम चुम्लुङ्गया सम्राट तुम्बाहाम्फे, आदिवासी जनजाति महासंघया नगर परिषद्या जंगबहादुर गुरुङ, थारू कल्याणकारी सभाया सुकित चौधरी, तमु ह्युल छोँधीया बबरसिं गुरुङ व नेपाल मगर संघया शंकर थापापिं च्वनादीगु दु। अथे हे समितिया सल्लाहकारय् अंगदप्रसाद श्रेष्ठ व रुद्रहरी जोशीपिं च्वनादीगु दु ।
