न्याम्ह बाखं च्वमिया न्यागू सफू छक्वलं पिदनीगु

ख्वप (सन्ध्या टाइम्स)/थुगुसी न्हूदँया लसताय् ख्वपय् च्वंपिं न्याम्ह बाखं च्वमिपिनि न्यागू सफू छक्वलं विमोचन जुइगु ज्याझ्वः दु। शौरभ शाक्यया 'क्वःदःगु झ्वाता', श्याम आशाया 'पंगलं दुने/पंगलं पिने', कृष्णभक्त बोडेया 'कःघाये मफुगु ई', विमल ताम्राकारया 'न्हूगु निभाः न्हूगु नेपाः' व काशीराज विरसया 'आस्थाया किपा' बाखं सफू कंस आइतवाः होटल स्वीट होमय् छक्वलं पिदनी। थ्व न्यागू सफू नेपालभाषाया न्याम्ह हे वरिष्ठ बाखं च्वमिपिंसं विमोचन यानादी। याताजः नेपालभाषा साहित्य दबू ख्वपया ग्वसालय् उगु ज्याझ्वः जुइत्यंगु खः ।