जी हे वरिष्ठ उपप्रधानमन्त्री : गच्छेदार

उपप्रधानमन्त्री विजयकुमार गच्छदारं मन्त्रिपरिषदय् वरियता क्रमय् वरिष्ठ उपप्रधानमन्त्री थः हे जूगु दाबी यानादीगु दु ।

शुक्रवाः विराटनगर विमानस्थलय् संचारकर्मीत नाप खँल्हाबंला यानादिसें उपप्रधानमन्त्री गच्छदारं थः स्वत वरिष्ठ जूगु धयादिसें थः न्हापा हे उपप्रधानमन्त्रीलय् नियुक्त जूगुलिं थः प्रधानमन्त्री स्वयां क्वयेया उपप्रधानमन्त्री जूगु दाबी यानादिल ।

वयेकलं सुजाता कोइरालायात छाय् उपप्रधानमन्त्री नियुक्त याःगु धकाः थःम्हं छुं मस्यूगु प्रतिक्रिया बियादिसें उकीया लिसः प्रधानमन्त्री याके हे दइगु धयादिल । वयेकलं सुजातायात उपप्रधानमन्त्रीलय् नियुक्त याःगुलिं सरकार क्वमदलीगु दाबी यानादिसें थ्वहे सरकारं न्हूगु संविधान निर्माण याइगु दाबी यानादिल ।