थौं नं स्वंगू दलया बैठक

येँ (सन्ध्या टाइम्स)/राजनीतिक सहमति कायम यायेगु निंतिं थौं नं स्वंगू दल दथुइ सहलह जुइत्यंगु दु। माओवादी संविधानसभा दलया ज्याकुथी च्वनीगु बैठकय् माओवादीं तयार याःगु संकल्प प्रस्तावयात कयाः सहलह यायेगु खँ धाःगु दु। माओवादी तयार याःगु प्रस्तावय् 'राष्ट्रपतिया पलाः द्वंगुलिं उकियात भिंकेत संसदं निर्देशन बिया' धइगु बुँदा दुथ्याकातःगु दु। तर कांग्रेस व एमालें धाःसा उगु बुँदायात स्वीकार मयाइगु खँ धाःगु दु। सूत्रया कथं थौंया बैठक वंगु छुं न्हि न्ह्यवंनिसें च्वनाच्वंगु बैठक थें तुं बिना निष्कर्ष क्वचाइगु सम्भावना दु ।