नेवाः एनआरएनलिसे मुँज्या
येँ (सन्ध्या टाइम्स)/ गैर आवासीय नेपाःमि सम्मेलनय् ब्वति कायेत नेपाः वयाच्वंपिं नेवाःत लिसें देय् दुने व पिनेया सकल नेवाःतय्गु बृहत हितया निंतिं ज्या न्ह्याकेगु तातुनाः छगू सहलह मुँज्या याइगु जूगु दु ।
विश्व नेवाः सम्मेलन तयारी समितिया ग्वसालय् कन्हय् क्षत्रपाती पार्टी प्यालेसय् उगु मुँज्या जुइत्यंगु खः।
ज्याझ्वलय् विश्व नेवाः सम्मेलन यायेगु नापं नेपाः दुने व नेपालं पिने च्वंपिं नेवाः व नेवाः भाषा संस्कृतिया वृहत् विकास यायेगु बारे सहलह जुइगु ग्वसाः दु ।
