इतुम्बाहालय् तुच्चा
येँ (सन्ध्या टाइम्स)/न्हूदँया लसताय् राष्ट्रिय मानव अधिकार सरोकार केन्द्रया लिसें थीथी संस्थाया मंकाः ग्वसालय् कन्हय् इतुम्बाहालय् छगू तुच्चा ज्याझ्वः याइगु जूगु दु ।
माओवादीया उपाध्यक्ष नारायण काजी श्रेष्ठ मूपाहां कथं झाइगु उगु ज्याझ्वलय् संघीय संरचनायात कयाः अन्तर्क्रिया नं जुइ ।
ज्याझ्वलय् माओवादी सभासद्पिं वर्षमान पुन (अनन्त), दिलीप महर्जन, हिसिला यमि, ज्यापु महागुथि येँ महानगर समितिया नायः मोहनकृष्ण डंगोल, संस्कृतिविद् डा. चुन्दा बज्राचार्य, नायः फोरमया संयोजक दिलीप शाहीपिंसं पाहां कथं ब्वति काइगु ज्याझ्वः दु। राष्ट्रिय मानव अधिकार सरोकार केन्द्र, जातीय स्वशासनया निंतिं नायः फोरम, नेपाल द्यःला (पोडे) उत्थान मञ्च, ग्रामीण महिला उत्थान मञ्चया मंकाः ग्वसालय् उगु ज्याझ्वः जुइत्यंगु खः ।
