शाक्य फाउण्डेशनया भिंतुना ज्याझ्वः
येँ (सन्ध्या टाइम्स)/ दी शाक्य फाउण्डेशन, नेपाल २०५७ या ग्वसालय् नेपाल संवत ११३० या लसताय् न्हूदँ समारोह समितिया नायः सभासद तीर्थराम डंगोलजुया मू पाहांसुइ छगू ज्याझ्वः जुल। सभाय् नेपालभाषा मंकाः खलःया छ्याञ्जे व शाक्य फाउण्डेशनया संस्थापक दुजः नरेशवीर शाक्यं न्ह्यःने वयाच्वंगु स्वन्ति नखः सरकारी मान्यता कयाः पिदंगु पात्रोयात हाकुतिनाः स्वयम्भु व जनबहालं न्यायेकीगु तिथिमितियात हे नालेत आह्वान यानादिल ।
नेपाल संवत म्हपुजाया दिंखुन्हु न्ह्याना वयाच्वंगु खँ सकस्यां सिउसां कछला पारु मक्यंक हे माने याकाः झी संस्कृतियात पंगः थनाः नेवाःतय्गु दथुइ कचवं पिथनेगु कुतः यानाच्वंगु दु द्वपं नं वय्कलं बियादिल ।
न्हूदँ क्यनीगु लसताय् जूगु भिंतुना कालबिल ज्याझ्वःया न्हापां सभाय् वःपिं सकलें मुनाः बोधीमत च्याकूगु खः। फाउण्डेशनया दुजः तेजराज शाक्यं ज्याझ्वलय् ब्वति काःपिंत लसकुस यानाः ज्याझ्वः न्ह्याकूगु खः ।
उगु ज्याझ्वलय् दी शाक्य फाउण्डेशन, 'नेपाल - २०५७ पाखें ज्वाइफुल लर्निङ्ग' निक्वःगु तालिमय् ताःलापिंत प्रा.डा. ह्दयरत्न बज्राचार्यं दसिपौ लःल्हाना दिल ।
फाउण्डेशनया संस्थापक अध्यक्ष व सभानायः देवकाजी शाक्यं ज्याझ्वलय् झाःपिं व ग्वाहालि यानादीपिं सकसितं सुभाय् देछायादीगु खः ।
