आवश्यक जूसाः भुमिगत जुइफु : मातृका
पुर्नगठित माओवादीया संयोजक मातृकाप्रसाद यादवं आवश्यक जूसाः भूमिगत जुइफुगु खँ धयादीगु दु ।
संगठन विस्तारया निंतिं शुक्रवाः पाल्पा झयादिम्ह यादवं देश व जनताया मुक्तिया झ्वलय् सरकारं दमन याःसा उकीया प्रतिकार यायेगु धयादिल । 'झी भुमिगत जुइ तर आः मखु । वयेकल धयादिल, 'सरकारं दमन याःसा उकीया प्रतिरक्षय् न्ह्याःगु नं याये फू ।'
वयेकलं थःपिं नाप ल्वाभ् मदुगु धयादिसें सरकारं दमन याःसा सरकारं गां गांमय् प्रहरीयात ब्यूगु ल्वाभ् हे थःपिनिगु जुइगु दाबी यानादिल । वयेकलं थःपिं खुलेआम संगठन विस्ता यायेगु ज्याय् लगेजुयाच्वंगु धयादिसें उकीयात मिडियां भुमिगत जुइत्यंगु धकाः कुप्रचार याःगु द्वपं बियादिल ।
सम्बोधनया अधिकाशं ई एकीकृत नेकपा (माओवादी)या विरोध यानादिसें वयेकलं ए-माओवादीया नागरिक सर्वोच्चतया आन्दोलनयात सत्ताया सर्वोच्चता जूगु धयादिल । वयेकलं ए-माओवादीं क्रान्तिकारी लंपू त्वःताः कांग्रेस व एमालेया हे लँपूइ न्ह्याः वंगु द्वपं बियादिल ।
