मोटरसाइकल दुर्घटनाय् निम्ह सित

मुग्लीन-नारायण सतक खण्डया जलबीरे स्थित पन्ध्र किलोय् यात्रुबहाक बसं निगः मोटरसाइकलयात ठक्कर नकूवलय् निम्ह सीगु दुसाः निम्ह घाःपाः जूगु दु । बिहीवाः न्हिनय् जनकपुरं येँ वयाच्वंगु ना. २. ख. ४७३६ नम्बरया यात्रुबाहक बसं पन्ध्र किलोय् निगः मोटरासाइकलया ठक्कर नकूगु खः ।

जिल्ला प्रहरी ज्याकू चितवनं ब्यूगु जानकारी कथं बसया ठक्करं सिपिं दारेचोक गाविस ३या संजय थापा व गोर्खाया सुनिल राणा खः । दुर्घटनाय् लानाः घाःपाः जुपिं निम्हेसित धाःसा भरतपुरय् च्वंगु मेडिकल कलेजय् वासः याकातःगु दु ।

यात्रुबहाक बसं नाराणगढ पाखे वनाच्वंगु बा. ३४. प. ५४१३ व बा. ३४. प. ४९२८ नम्बरया निगः मोटरसाइकलयात ठक्कर नकूगु खः । प्रहरीया कथं ठक्कर नकूगु बसया चालक बिस्यूवंगु दुसाः बस व निगः मोटरसाइकलयात प्रहरीं नियन्त्रणय् काःगु दु ।