'राष्ट्रपतिं गल्ती हानं मयायेगु शर्तय् सहमति जुइफइ'

एकीकृत नेकपा (माओवादी)या उपाध्यक्ष डा. बाबुराम भट्टराईं सेनापति प्रकरणय् थंज्याःगु गल्ती राष्ट्रपतिं हानं मयायेगु शर्तय् वर्तमान गतिरोध ज्यंकेफइगु खँ धयादीगु दु ।

खोटाङ व भोजपुरया सीमानाय् निर्माणाधीन भ्युटावरया निरीक्षण यायेत खोटाङ सदरमुकाम दिक्तेल थ्यंकादिम्ह भट्टराईं संचारकर्मीत नाप खँल्हाबंला यानादिसें माओवादीं राष्ट्रपतिया पलाः असंवैधानिक जूगु वाक्य मंकाः संकल्प प्रस्तावय् दुथ्याकेमाःगु व कांग्रेसं थुकीया विषयलय् छुं नं सहमति मफइगु थ:थःगु अडान कायम याःगुलिं स्वंगू दलया बैठकय् सहमति जुइमफुगु धयादिल ।

नागरिक सर्वोच्चता पाखे केन्द्रीत थःपिनिगु थंज्याःगु शर्त बारे कांग्रेस व एमाले नाप सहलह जुयाच्वंगु धयादिसें याकनं हे गतिरोध ज्यंकेगु सहमति जुइगु विश्वास प्वंकादिल ।