३ गते बिदा बारे कन्हय् प्रमलिसे सहलह
येँ (सन्ध्या टाइम्स)/कार्तिक ३ गते दुतिया माने यानाः किजा पुजा यायेमाःपिं नेवाःतय्सं वकुन्हु नं सार्वजनिक बिदा बीमाः धकाः यानाच्वंगु मागया बारे सहलह यायेत प्रधानमन्त्री माधव नेपालं कन्हय् थीथी नेवाः खलः पुचःया प्रतिनिधितय्त सःतूगु दु। कन्हय् ३ बजे थीथी नेवाः खलः पुचःया दुजःत मुनाः वालुवाटारय् थ्व बारे वार्ता यायेत्यंगु दु। ३ गते विदा मबिल धाःसा वकुन्हु स्कूल, कलेज, बजाः आदि बन्द यायेगु ख्याच्वः नेवाः जागरण मञ्चं बी धुंकूगु दु ।
