थीथी समितिया विवाद ज्यंकेत थौं बैठक

येँ (सन्ध्या टाइम्स)/संविधानसभाया थीथी समितिइ खने दयाच्वंगु विवाद समाधान यायेत थौं स्वंगू तःधंगु पार्टीया बैठक च्वनेत्यंगु दु। एमाले संसदीय दलया ज्याकुथी च्वनीगु उगु बैठकय् माओवादीया नारायणकाजी श्रेष्ठ, कांग्रेसया विमलेन्द्र निधि आदिपिंसं ब्वति काइगु खँ धाःगु दु। थीथी समितिइ थीथी पार्टीपाखें न्ह्यःने हःगु प्रस्तावय् सहमति जुइ मफयाः ज्या न्ह्यःने वने मफयाच्वंगुलिं अज्याःगु गथः फ्यनेगु निंतिं थ्व बैठक च्वंगु खँ धाःगु दु ।