नेवाः संस्कृतिया मेगु छगू सफू
येँ (सन्ध्या टाइम्स)/नांजाःम्ह साहित्यकार हितकरवीर सिं कंसकारं मय्जु रत्नतारा ताम्राकारं च्वयादीगु संस्कृति सम्बन्धी च्वसु मुना 'तजिलजिया न्हाय्कं' विमोचन यानादिल ।
मय्जु ताम्राकारं 'सन्ध्या टाइम्स' न्हिपती पिहांवःगु थःगु संस्कृति सम्बन्धी पीपु च्वसु मुनाः उगु सफू पिथनादीगु खः। ज्याझ्वलय् पिकाक विश्वव्यापी शान्ति अभियानपाखें नायः प्रेमनाथ जोशीं हनापौ नं देछानादीगु खः ।
ज्याझ्वलय् न्ववासें समालोचक पूर्ण ताम्राकार, गोविन्दनारायण ज्यापु (ज्यापु सर) व 'सन्ध्या टाइम्स'या सम्पादक सुरेश मानन्धरं संस्कृति विषयय् नेपालभाषां च्वइम्ह छम्ह मिसा च्वमि पिहां वःगु खँय् लसता प्वंकादीगु खः ।
