सहिद धर्मभक्त माथेमाया सछिदँ
यल (सन्ध्या टाइम्स)/सहिद धर्मभक्त माथेमाया सछिदँ बुन्हि सहिद स्मारक समितिपाखें न्यायेकल। ज्याझ्वलय् मू पाहां कथं झाःम्ह डा. सुन्दरमणि दीक्षितं सहिद धर्मभक्तया सछिदँ बुन्हियात देय्न्यंकं हे न्यायेकेमाःगु बिचाः प्वंकादिल।
ज्याझ्वलय् स्वतन्त्र नेपाल प्रजातान्त्रिक पार्टीया अध्यक्ष शम्भुप्रसाद गजुरेल, वरिष्ठ पत्रकार बुद्धाचार्य शाक्य, बौद्ध विहार संघयाया नायः धर्मरत्न शाक्य, राष्ट्रिय प्रेस क्लबया अध्यक्ष रामकृष्ण कर्माचार्य, पुलांम्ह क्याम्पस प्रमुख डा. सुन्दरकृष्ण जोशीपिंसं सहिदपिनि योगदानयात वर्तमान राजनीतिक नेतातय्सं यानाच्वंगु अवमूल्यनयात कयाः चिउताः प्वंकादीगु खः ।
सहिद चिनियालाल सिंहया म्ह्याय् उषा सिंहया सभापतित्वय् जूगु उगु ज्याझ्वलय् स्मारक समितिया नायः प्रकाशधर शर्मा व महासचिव दुर्गाबहादुर श्रेष्ठपिंसं नं न्ववानादीगु खः ।
