कांग्रेस सभापति नाप नं स्पष्टिकारण काइगु
सुशील कोइराला व पौडेलयात नं नियुक्त हे याःगु खः : सुजाता
नेपाली कांग्रेसया केन्द्रीय दुजः नापं परराष्ट्रमन्त्री सुजाता कोइरालायात प्रधानमन्त्री माधवकुमार नेपालं उपप्रधानमन्त्रीलय् नियुक्त याःगु विषययात कयाः कांग्रेस सभापति नापं नं स्पष्टिकरण काइगु खँ कांग्रेसया छम्ह नेता धयादीगु दु ।
कांग्रेसया सभापति गिरिजाप्रसाद कोइरालं केन्द्रीय समितिलय् छुं नं सहलह मयासें थः म्हाय् सुजाता कोइरालायात उपप्रधानमत्रीलय् पार्टी पाखें सिफारिश याःगुलिं वयेक नाप पार्टीं स्पष्टिकरण काइगु खँ नेत डा. रामशरण महतं धयादीगु दु ।
बुधवाः थः गृहनगर नुवाकोट थ्यंकादिम्ह नेता महतं सुजातायात उपप्रधानमन्त्री दयेकाः सभापति कोइरालां पार्टी दुने निरंकुशता लादे यायेत स्वःगु दाबी यानादिल । वयेकलं केन्द्रीय समितिया बैठकं निर्णय यानाः पार्टी सभापति नाप स्पष्टिकारण काइगु धयादिल ।
उखे उपप्रधानमन्त्रीलय् नियुक्त जुयादिम्ह सुजाता कोइरालां मन्त्रिपरिष्दय् थःगु बढुवाया विरोध यायेगुया छुं अर्थ मदुगु धयादिल ।
मंगलवाः उपप्रधानमन्त्रीया पदभार ग्रहण यायेवं प्रतिक्रिया बियादिसें पार्टी सभापति गिरिजाप्रसाद कोइरालाया सिफारिस कथं प्रधानमन्त्रीं विशेषाधिकार छ्यलाः उपप्रधानमन्त्री नियुक्त यानादीगुलिं थुकी सुनां विरोध यायेगुया तुक मदुगु धयादिल ।
वयेकलं पार्टी दुने सुशील कोइरालायात कार्यवाहक सभापति व रामचन्द्र पौडेलयात उपसभापतिलय् गिरिजाबाबुं हे नियुक्त याःगु धयादिसें उगु ईलय् विरोध मजूगु व आः नं विरोध यायेगुया अर्थ मदुगु धयादिल ।
