सेनां आयोगया अनुसन्धानयात ग्वाहालि यायेगु प्रतिबद्धता
नेपाली सेनां राष्ट्रिय मानवअधिकार आयोगया अनुसन्धानयात ग्वाहालि यासें सिफारिस कार्यान्वयनय् ग्वाहालि यायेगु प्रतिबद्धता प्वंकूगु दु ।
मंगलवाः आयोगया पदाधिकारीत नापया खँल्हाबंलाय् प्रधानसेनापति छत्रमानसिंह गुरुङं थुगु प्रतिबद्धता प्वंकादीगु खः । वयेकलं नेपाली सेनां आयोगया निर्देशनयात पालना यानाच्वंगु व मानवअधिकार संरक्षण व प्रर्वद्धनया क्षेत्रय् आवश्यक ग्वाहालि यायेगु धयादिल ।
खँल्हाबंलाय् आयोगया अध्यक्ष केदारनाथ उपाध्यायं नेपाली सेना नाप सम्बन्धित मुद्दाय् आयोगं यानाच्वंगु अनुसन्धानयात ग्वाहालि यायेत व आयोगया सिफारिसत कार्यान्वयन यायेत इनाप यानादिल ।
आयोगया कथं खँल्हाबंलाय् मानवअधिकारया विषयलय् नं नेपाली सेनाया क्षमता अभिवृद्धि यायेत आयोगया ग्वाहालि व सहकार्यया बारे नं खँल्हाबंला जूगु खँ धाःगु दु ।
खँल्हाबंलाय् आयोगया दुजःत रामनगीना सिंह, गौरी प्रधान, डा. लीला पाठक, डा. के बी रोकाया, सचिव विशाल खनाल नापं नेपाली सेनाया कार्यरिथि विभाथया प्रमुख नेपालभुषण चन्द व मानवअधिकार निर्देशनालयया प्रमुख निरेन्द्र अर्याल लगायतया उपस्थिति दुगु खः ।
