थप अध्ययन लिपाः स्वंगू दलया बैठक च्वनीगु

एकीकृत नेकपा (माओवादी)या संशोधन प्रस्तावया बारे सहलह यायेत च्वंगु स्वंगु प्रमुख दलया बैठक थप अध्ययन लिपाः हानं च्वनीगु कथं क्वचाःगु दु ।

मंगलवाः कांग्रेस संसदीय दलया ज्याकूथीइ कांग्रेस, एमाले व माओवादी नेतात दथुइ जूगु बैठकय् कांग्रेस व एमालेया नेतातय्सं संशोधन प्रस्तावय् अध्ययन यायेइगु निंतिं थप ई माग याःगु खः । संशोधन प्रस्तावय् थप अध्ययन यानाः बिहीवाः हानं स्वंगू दलया बैठक च्वनीगु जूगु दु । उगु प्रस्तवाया विषयलय् थप परिमार्जन सहित आगामी बैकय् कांग्रेस व एमालें हानं मंकाः प्रस्ताव ह्येत स्वंगू दल सहमति जूगु दु ।

बैठक लिपाः माओवादीया उपाध्यक्ष डा. बाबुराम भट्टराईं कांग्रेस व एमालें संशोधन प्रस्तावय् अध्ययन यायेत थप ई माग या:गु धयादिसें थुकी निगू दलं परिमार्जन सहित मस्यौदा न्ह्यब्वयेवं हानं सहलह जुइगु धयादिल ।