थौं स्वंगू दलया बैठक
येँ (सन्ध्या टाइम्स)/राजनीतिक गतिरोध चीकेगु निंतिं थौं स्वंगू दलया बैठक च्वनेगु तयारी जुयाच्वंगु दु।
नेपाली कांग्रेसया केन्द्रीय ज्याकू सानेपाय् स्वंगू दलया बैठक च्वनीगु खँ धाःगु दु ।
उखे स्वंगू दलया बैठक च्वने न्ह्यः नेपाली कांग्रेस व एमाले दथुइ बैठक च्वंगु दु। उगु बैठकय् नेपाली कांग्रेस व एमालेया कार्यदलं तयार याःगु संकल्प प्रस्ताव व माओवादीं न्ह्यब्वःगु संकल्प प्रस्तावया मस्यौदायात कयाः सहलह जुयाच्वंगु खँ धाःगु दु ।
कांग्रेस व एमाले दथुइ राष्ट्रपतिया क्षेत्राधिकारबारे सहलह जूसां सेनापति प्रकरणया खँ संकल्प प्रस्तावय् न्ह्यथने मजिउगु अडान कयाच्वंगु दुसा माओवादीं धाःसा राष्ट्रपतिया पलाः बारे संकल्प प्रस्तावय् न्ह्यथने माःगु अडान कयाच्वंगु दु। थ्वहे कारणं राजनीतिक सहमति कायम जुइ मफयाच्वंगु खः ।
